२२ भाद्र २०८० चितवन जिल्ला ब्याडमिन्टन संघको आयोजनामा प्रथम स्वर्गीय सुर्य प्रसाद श्रेष्ठ स्मृति रनिङ शिल्ड छैठों जिल्ला स्तरीय एकल अन्तर बिद्यालय ब्याडमिन्टन प्रतियोगिता २०८० एक भब्य समारोहका बिच समुद्द्घाटन भएको छ ।
भरतपुर महानगरपालिका वडा न १० का जननिर्वाचित वडा अध्यक्ष परमेश्वर खनालको प्रमुख आतिथ्यता एवं चितवन जिल्ला ब्याडमिन्टन संघका अध्यक्ष बुद्धि थारुको अध्यक्षतामा भएको उक्त कार्यक्रमको विशिष्ट अतिथिको रुपमा प्रदेश खेलकुद बिकास परिषद हेटौंडाका कार्यालय प्रमुख देबनारायण चौधरी र चितवन जिल्ला खेलकुद बिकास समितिका अध्यक्ष उत्तम गुरुङ रहनु भएको थियो ।
जिल्ला ब्याडमिन्टन संघ चितवनका सचिब दया सापकोटाले सन्चालन गर्नु भएको उक्त कार्यक्रममा नेपाल बिधुत प्राधिकरण भरतपुरका प्रमुख रामु श्रेष्ठ, नेपाल दुरसंचार कार्यालय भरतपुरका उप प्रबन्धक नवीन कुमार श्रेष्ठ, चितवन जिल्ला खेलकुद बिकास समितिका कार्यालय प्रमुख रामजी ढकाल, चितवन जिल्ला ब्याडमिन्टन संघका नि बर्तमन अध्यक्ष भरत मल्ल एव श्याम श्रेष्ठ अतिथिको रुपमा रहनु भएको थियो भने उक्त खेलकुद प्रतियोगिता भरतपुर कभर्डहलमा भाद्र २२ र २३ गते संचालन हुनेछ ।